सूर्योदय वृत्तसेवा|जालना
डॉ.बाबासाहेब आंबेडकर जयंती दिनी दि.१४ एप्रिल रोजी जालना जिल्ह्यातील सर्व देशी व विदेशी किरकोळ मद्य विक्री अनुज्ञप्त्या, बिअर शॉपी विक्री बंद ठेवण्याचे आदेश जिल्हाधिकारी डॉ.श्रीकृष्ण पांचाळ यांनी निर्गमित केले आहेत.जिल्ह्यात शांतता व सुव्यवस्था अबाधित राखण्याच्या दृष्टीने मुंबई दारूबंदी कायद्यामधील कलम अन्वये अधिकाराचा वापर करून जालना जिल्ह्यातील सर्व किरकोळ मद्य विक्री अनुज्ञप्त्या सीएल-3, एफएल-2, सीएलटीओडी-3, एफएलबीआर-2,एफएल-3 आदी सर्व दि. 14 एप्रिल रोजी संपूर्ण दिवस बंद ठेवण्याचे आदेश जिल्हाधिकारी निर्गमित केले आहेत.अनुज्ञप्तीधारकांनी व संबंधितांनी या आदेशांचे पालन न केल्यास त्यांच्याविरुद्ध नियमानुसार योग्य ती कारवाई करण्यात येईल,असा इशाराही आदेशाद्वारे देण्यात आला आहे.