सूर्योदय वृत्तसेवा|जालना
जालना जिल्ह्यातील अंबड व घनसावंगी तालुक्यात झालेल्या नैसर्गिक आपत्तीमुळे शेतकऱ्यांच्या पिकांचे मोठ्या प्रमाणावर नुकसान झाले होते. त्यामध्ये शासनाने वेळोवेळी 04 जी आर काढुन बाधित शेतकऱ्यांना अनुदान जाहीर केले होते. त्यामध्ये अंबड व घनसावंगी तालुक्यात यादया अपलोडींगचे काम काज करणारे संबंधीत अधिकारी कर्मचारी यांनी मोठया प्रमाणावर बोगस (शेती नावावर नसलेले) नावे यादया मध्ये अपलोड करुन त्यांचे नावे आलेल्या शासनाचे अनुदानाची रक्कम त्यांचे कडुन परस्पर परत घेतल्या संबंधी तक्रारी प्राप्त झाल्या होत्या त्यामुळे तत्कालीन जिल्हाधिकारी यांनी सदर प्रकरणात चौकशी समीती गठीत केली होती.
चौकशी समीतीने चौकशी करुन एकुण 240 गावामध्ये 24,90,77,811/- इतक्या शासकीय रकमेचा अपहार झाला असल्या बाबत अहवाल दिल्यानंतर सदर प्रकरणात 22 तलाठी, तहसिल कार्यालयातील नैसर्गीक आपत्ती व्यवस्थापन विभागातर्गत कामकाज करणारे 05 कर्मचारी व जिल्हाधिकारी कार्यालय येथे नैसर्गीक आपत्ती व्यवस्थापन कार्यालयात काम करणारा 1 असे एकुण 28 आरोपी विरुध्द पोलीस स्टेशन अंबड येथे गुन्हा रजि. क्र. 453/2025 कलम 316(4), 316(5), 318(4), 324(5), 336(3), 338, 340(2), 339, 238, 3(5) BNS सह कलम 52, 53 आपत्ती व्यवस्थापन कायदा 2005 अन्वये गुन्हा दाखल आहे.सदर प्रकरणात गुन्हा नोंद झाले पासुन फरार झाले होते ते पोलीसांचे नजरेआड राहत होते. आरोपी मोबाईल वापरत नव्हते तसेच सोशल मिडीया पासुन सुध्दा लांब राहत होते. त्यामुळे त्यांचे अटकेसाठी विविध अडसर येत होते तरी सुध्दा त्यांचा शोध घेत आर्थिक गुन्हे शाखेने आज रोजी पावेतो एकुण 13 आरोपीना अटक केली आहे.
आरोपी विजय जोगदंड व आरोपी दिनेश ज्ञानेश्वर बेराड हे राज्यस्थान, दिल्ली व गुजरात राज्यात जावुन तब्बल पाच महीन्या पासुन वेळोवेळी ठिकाण व मोबाईल बदलुन पोलीसांना माहीती मिळु नये याची पुर्णपणे खबरदारी घेवुन अटकपुर्व जामीन मिळविण्यासाठी आटोकाट प्रयत्न करुन पोलीसां पासुन लपवुन राहण्यासाठी वेशभुषा बदलुन फिरत होते.
सदर गुन्हयातील आरोपींचा शोध घेणेकामी रवाना होवुन आरोपी नामे विजय हनुमंत जोगदंड, वय 43 वर्षे व्यवसाय-मंडळ अधिकारी, घनसावंगी, रा. हडको एन-12 छत्रपती संभाजीनगर ता.जि. छत्रपती संभाजीनगर व दिनेश ज्ञानेश्वर बेराड वय 35 वर्षे, व्यवसाय -सहाय्य्क महसुल अधिकारी, रा. पिंपळगाव रेणुकाई ता. भोकरदन जि. जालना हे जालना शहराच्या दिशेने येत आहे अशी गोपनीय माहिती मिळाल्यावर त्यांना विशाल कॉर्नर परिसरामध्ये अटक करण्यात आली असून आरोपी यांना मा. न्यायालयासम मध्ये हजर केले आहे तर उर्वरित आरोपींचा शोध सुरू आहे
सदरची कामगीरी ही अजयकुमार बंन्सल पोलीस अधीक्षक जालना, आयुष नोपाणी अपर पोलीस अधीक्षक जालना, सिध्दार्थ माने प्रभारी पोलीस उपअधीक्षक आर्थिक गुन्हे शाखा जालना, यांचे मार्गदर्शनाखाली मिथुन घुगे स.पोलीस निरीक्षक आर्थिक गुन्हे शाखा जालना, पोलीस अंमलदार गोकुळसींग कायटे, समाधान तेलंग्रे,किरण चव्हाण,अंबादास साबळे,गजानन भोसले,सागर बावीस्कर,दत्ता वाघुंडे,विष्णु कोरडे, ज्ञानेश्वर खुने, रविंद्र गायकवाड, शुभम तळेकर, श्रेयस वाघमारे, चालक पाठक मेजर, महिला अंमलदार, जया निकम,निमा घनघाव,मंदा नाटकर यांनी पार पाडली.