अंबड तहसील कार्यालयाच्या पुरवठा विभागाची कारवाई;घरगुती वापराचे १३ गॅस सिलिंडर जप्त
सूर्योदय वृत्तसेवा
अंबड तालुक्यातील व्यवसायिक कामासाठी घरगुती गॅस सिलिंडर वापरणाऱ्या १२ हॉटेल चालकांवर कारवाई करण्यात आलीय.अंबड तहसील कार्यालयाच्या पुरवठा विभागाने ही कारवाई केलीय. या कारवाईत घरगुती वापराचे १३ गॅस सिलिंडर तहसील कार्यालयाच्या पुरवठा विभागाने जप्त केलेत.अंबड शहरात काही हॉटेल चालक आपल्या व्यवसायासाठी व्यवसायिक गॅस सिलिंडर ऐवजी घरगुती गॅस सिलिंडर वापरत असल्याची माहिती अंबड तहसील कार्यालयाच्या पुरवठा विभागाला मिळाली होती.त्या माहितीवरून आज (दि.२१ शुक्रवार) रोजी दुपारी दोन अंबड तहसील कार्यालयाच्या पुरवठा विभागाने कारवाई करून १३ घरगुती वापराचे गॅस सिलिंडर जप्त केलेत. या प्रकरणी जिल्हाधिकारी कार्यालयात घरगुती गॅस सिलिंडर वापरणाऱ्या हॉटेल चालकांवर कारवाई संदर्भात प्रस्ताव पाठवण्यात येऊन योग्य ती कारवाई करण्यात येईल अशी माहिती तहसीलदार विजय चव्हाण यांनी दिली.या कारवाई मध्ये हॉटेल गौरी,हॉटेल सुखसागर बार,हॉटेल सावता, हॉटेल सम्राट, ओमसाई दाल बट्टी,हॉटेल मोरया आदी आस्थापनेवर कारवाई करण्यात आली.ही कारवाई तहसीलदार विजय चव्हाण यांच्या मार्गदर्शनाखाली नायब तहसीलदार पुरवठा किरणकुमार खांडेभराड,कृष्णा शिंदे,अरविंद भालेराव आदींच्या वतीने करण्यात आली.या कारवाईने घरगुती गॅस सिलेंडर वापरणाऱ्या व्यवसायिकांचे धाबे दणाणले आहे.